ETIQUEDIS.ES - BENVIDO

ETIQUEDIS, UN SOÑO DE MOITOS

Nunha época na que poucos nos teñen en conta, nun tempo no que para que a nosa voz
chegue aos que mandan temos que facer cousas extraordinarias, temos a oportunidade de
amosar que tamén nos estamos feitos de ilusións, soños, e pretendemos acadar obxectivos.

ETIQUEDIS, a maior festa deseñada pola mocidade a para a mocidade que nunca antes
se fixo na nosa terra, é unha oportunidade para que a nosa autoestima medre, para que
nos sintamos por unha vez importantes, e tamén donos das nosas vidas.

OS RESULTADOS DA LONGA ENQUISA		UN DÍA COMPLETO PARA SER LIBRES
Ao longo de varios meses preguntamos á mocidade galega como sería a súa festa ideal, grazas ás respostas de centos de persoas, configuramos un programa, que nesta web vos presentamos, feito á medida da xente. Algún medio de comunicación bautizou esta festa, o proxecto ETIQUEDIS en xeral, como o 'grande festival megademocrático' da historia. Queremos non decepcionar e que se poidan seguir a decir cousas dese tipo de algo organizado por tanta xente, con tanto esforzo e tantas gañas... Na sección 'FESTA DE TODOS' poderedes descargar o informe no que atoparedes o resultado da enquisa e a forma na que a organización de ETIQUEDIS fixo uso de todos os datos para deseñar as actividades que agora presentamos para o 26 de agosto.		Pensamos que unha opción interesante sería dividir as actividades que entre todos pedimos a través da campaña que ETIQUEDIS desenvolveu nos últimos meses en varios espazos, temáticos e con diversos contidos para que cada un, dentro da festa, tivera a opción de escoller. Na sección 'ACTIVIDADES' da nosa web poderedes ver todos os espazos que teremos o 26 de agosto na polideportiva de Castelo, o lugar no que desenvolveremos a actividade. Tamén queremos que sigades participando, realmente foi esa sempre a filosofía do ETIQUEDIS, que a través dos medios que Internet nos proporciona poidamos estar en contacto, falar do que pensamos que é mellor para todos co obxectivo de facer xuntos a mellor festa deste verán...

O CARTAZ DA MELLOR FESTA DO VERÁN
Toda boa festa ten un bo cartaz, este é o noso, o de ETIQUEDIS, a festa que desenvolveremos en Castelo (Culleredo), o vindeiro 26 de agosto... Como podedes ver, contén unha boa parte das actividades que se desenvolverán no recinto ao longo das vintecatro horas que durará o evento. Seguramente, nas próximas semanas, comezaredes a velo polas rúas, cando pasedes cos vosos amigos e recoñezares o noso logo non o dubidedes, comentade a posibilidade de achegarvos, porque se de algo estamos seguros é de que o pasaredes moi ben con nos. O Concello de Culleredo, a través da Concellería de Mocidade e Voluntariado, colabora de xeito activo no proxecto ETIQUEDIS, aportando ideas, materiais, traballo e moitas gañas. A Asociación Castelo Deporte é a entidade que organiza o evento, que dende o pasado mes de decembro, comezou a andar a través dunha campaña de promoción que chegou a milleiros de rapaces e rapazas de toda Galicia, principalmente a través das redes sociais e da nosa páxina web. Agora é momento de amosar que tanto traballo merece a pena e ten un resultado positivo...